Abu Hamza drejt ekstradimit në SHBA
05/10/2012 16:10
Analiza nga CNN: Katër vjet më vonë, Rusia ende po paguan për një gabim fatal në llogaritje në Ukrainë 21/02 19:37
Kleriku radikal Abu Hamza al Masri dhe katër të tjerë të dyshuar për terrorizëm mund të ekstradohen në Shtetet e Bashkuara, ka vendosur Gjykata e Lartë e Mbretërisë së Bashkuar.
Abu Hamza dhe bashkëpunëtorët e tij Babar Ahmad, Syed Talha Ahsan, Adel Abdul Bary dhe Khaled al-Faëëaz nuk arritën të paraqisnin argumenta bindës kundër ekstradimit.
Apeli i tyre në Gjykatën e Lartë u bë pasi Gjykata Evropiane për të Drejtat e Njeriut mbështeti më herët vendimin e gjykatave të tjera britanike për ekstradimin e tyre.
Ndërkohë, Ministria e Brendshme britanike ka deklaruar se dëshiron t’i ekstradojë ata sa më shpejt të jetë e mundur.
Tashmë dërgimi i klerikut radikal dhe bashkëpunëtorëve të tij në Shtetet e Bashkuara nuk mund të pengohet më, duke qenë se beteja e gjatë ligjore konsiderohet e mbyllur.
Të pandehurit nuk kanë se ku ta apelojnë më çështjen. Ata pretendojnë se do të përballen me trajtime çnjerëzore nëse dërgohen në Shtetet e Bashkuara.
Top Channel
