Greqia në krizë? Fond për pistë të MotoGP-së
02/10/2012 15:10
Lazio i merr tri pikët Milanit dhe i humbet shansin të përfitojë ndaj Interit 15/03 22:41
Edhe pse ndodhet në mes të një krize financiare dhe masat shtrënguese janë të paprecedenta, qeveria greke hap portofolin duke lëvruar 29 milion euro për ndërtimin e një piste moderne të garave të shpejtësisë me shpresën që në të ardhmen të përdoret edhe nga Formula 1.
Ministri grek i zhvillimit i dha dritën jeshile projektit që qendronte pezull prej vitesh e që do të gjejë zbatim në periudhën më të vështirë për financat e Athinës.
Mediat greke thonë se synimi i qeverisë është të tërheqë me autodromin e që do të ndërtojë motoçiklizmin, Formula 1 dhe gara të tjera të shpejtësisë me shpresën e rigjallërimit të ekonomisë së vendit, sidomos turizmit të trembur nga masat shtrënguese të paprecedenta.
Kostoja totale e impiantit sportiv pritet të shkojë deri në 96 milion euro, por vetëm 29 milion do të financohen nga arkat e qeverisë së Athinës, ndërsa pjesë tjetër do të sigurohet nga sipërmarrësit privatë.
Nuk dihet reagimi i grekëve për shpenzimin në fjalë. Prej vitesh ata ndodhen në protesta e greva masive kundër reduktimit të pagave dhe pensioneve, ndërsa qeveria arsyeton si projekti synon rigjallërimin e ekonomisë si mënyra e vetme për të siguruar financa të qendrueshme.
Top Channel
