Pa pasur kohë të shijojë fitoren e fundit në kampionat ndaj Schalke 04, Bayern Munchen do të kërkojë sot në mbrëmje tre pikë të reja.
Pas katër fitoreve në katër ndeshjet e para, kryesuesit e Bundesligës do të përballen me Wolfsburg në orën 20.00 të ditës së sotme.
“Duhet të mbajmë ritmin e lartë që kemi vendosur në këtë fillim-kampionati. Nuk duhet të ekzaltohemi, por të vazhdojmë të punojmë”, theksoi portieri Manuel Neuer për faqen zyrtare të klubit.
Wolfsburg, Bremen, Bate Borisov dhe Hoffenheim janë katër rivalët e Bayern Munchen në 12 ditët e ardhshme.
Ndeshjet e tjera të Bundesligës që do të luhen sot janë:
Eintracht Frankfurt – Borussia Dortmund
Greuther Furth – Fortuna Dusseldorf
Schalke 04 – Mainz
Top Channel
