Meksikë, policia ndihmoi “superarratisjen” nga burgu
21/09/2012 16:10
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
131 të burgosurit meksikanë që u arratisën gjatë javës nga një burg i sigurisë së lartë arritën të largoheshin vetëm falë bashkëpunimit të zyrtarëve të korruptuar.
Ky ishte përfundimi i arritur nga një komision i pavarur hetimor, në raportin e publikuar të premten.
Ndryshe nga sa ishte raportuar në fillim, të burgosurit nuk u larguan nëpërmjet një tuneli kryesor, por nga vetë dera kryesore, e lënë hapur qëllimisht.
Gardianët e korruptuar nga kartelet e drogës, më pas hapën një pjesë të qelive, ku ndodheshin njerëz të besuar të mafias.
Si rrjedhojë e arratisjes më të madhe në historinë e Meksikës, Shtetet e Bashkuara u vendosën në alarm dhe përforcuan vëzhgimin në kufirin me fqinjin jugor.
Burgu në Pedras Negra, në shtetin e Koahuilës, ndodhet vetëm disa kilometra nga kufiri amerikan.
Aktualisht, një operacion madhor policor është lëshuar në Meksikë për riarrestimin e të burgosurve, një pjesë e të cilëve dyshohet që të jenë larguar tashmë nga vendi.
Top Channel
