BQE, e paaftë të mbajë shpenzimet nën kontroll
21/09/2012 15:40
Shkencëtarët në Peru zbulojnë një fosil krokodili, 12 milionë vjet të vjetër 28/11 11:57
Në një kohë kur Banka Qëndrore Europiane është duke imponuar shtrëngime buxhetore në shumë prej vendeve europiane, vetë institucioni nuk arrin dot të mbajë nën kontroll vlerën e parashikuar për shpenzimet e tij për selinë e re në Frankfurt.
Banka pranoi ditën e premte se ndërtimi i selisë së re gjigante ka tejkaluar shumën e një miliardë eurove, nga 850 milionë euro që ishte parashikuar në planin fillestar.
Sipas Bankës, rritja e papritur e kostos së hekurit dhe problemet e papritura në sheshin e ndërtimeve kanë kontribuar në tejkalimin e planit.
Ndërtimi pritet të përfundojë në vitin 2014. Banka Qendrore Europiane është ajo që komanton politikat e përbashkëta ekonomike të Eurozonës dhe cakton normën bazë të interesit, inflacionin, emetimet dhe parametrat e tjera të monedhës së përbashkët.
Ndërtesa, e konceptuar në dy qiellgërvishtës të njëjtë, është duke u ngritur në një zonë qendrore të Frankfurtit, qytet ku ndodhet edhe selia aktuale e BQE-së.
Top Channel
