Incidentet, Japonia kërkon dëmshpërblin nga Kina

Lajmi u bë i njohur të enjten, gjatë një konference për shtyp të sekretarit të kabinetit, Osamu Fujimura.

Ai deklaroi nga Tokio se “dëmshpërblimi është një çështje e brendshme midis të dy qeverive”.

Qëndrimi i Japonisë vjen pasi Pekini shprehu “keqardhje të thellë” ndaj sulmimit të makinës së ambasadorit japonez dhe atij amerikan në Kinë.

Tensionet kanë qenë të larta pasi Japonia bleu nga pronari i ligjshëm trej prej ishujve të diskutuar, të quajtur Senkaku në japonisht dhe Diaoyu në Kinë.

Japonia, Kina dhe Tajvani pretendojnë sovranitetin e grupit të ishujve të pabanuar, por të pasur me resurse detare dhe rezerva nafte e gazi në thellësi. Aktualisht, ata kontrollohen prej Tokios.

Gjatë javës së shkuar, në protestat anti-japoneze në Kinë, disa biznese u detyruan të mbylleshin.

Të martën, në përvjetorin e fillimit të pushtimit japonez të Mançurisë të vitit 1931, një grup dyqanesh japoneze u sulmuan dhe vandalizuan në disa qytete të ndryshme kineze.

Top Channel