Kuqezinjtë me këmbë në tokë

Tekniku italian ka lavdëruar lojtarët që ai ka grumbulluar qoftë edhe të rinjtë, ndërkohë që ka paralajmëruar se Qipro është një kundërshtar i vështirë që mund të bëjë dhe suprizë.  

“Unë kam thënë që Qipro është një skuader e mirë por s’kam thënë që është Spanja. Është një skuadër që duhet respektuar pasi futbolli sot është shumë i ekuilibruar. Që të fitosh duhet të dalësh në fushë me përgatitjen e duhur, me përqëndrimin e duhur dhe sigurisht të dalësh në fushë me mendimin se ti duhet të fitosh.  Për mua lojtarët kanë ecur shumë mirë në pjesën taktike ndërkohë që nuk janë 100% në anën fizike. Do të jetë shumë, shumë e vështirë, por ne do të mundohemi që nga minuta e parë dhe deri te ajo e fundit ta fitojmë këtë ndeshje”, tha trajneri Gianni De Biazi.

Kapiteni i kombëtares Lorik Cana ka ftuar të gjithë shqiptarë të jenë me këmbë në tokë dhe të mos ëndërrojnë shumë për ndonjë kualifikim në Botëror edhe nëse mundim Qipron.
   
Përsa i përket formacionit anti-Qipro, trajneri De Biazi nuk ka publikuar asnjë emër, ndërkohë që tha se do t’i nxjerrë në fushë të gjithë ata lojtarë që janë më në formë për momentin.

Top Channel