Cristiano Ronaldo është vënë në qendër të mediave dhe kritikave të tifozëve të Realit lidhur me një koment pakënaqësie që futbollisti shprehu pak ditë më parë.
Komentet e Ronaldos u interpretuan nga mediat si kërkesë për rritje page ose largim nga madrilenët, pavarësisht se vetë portugezi disa herë i përgënjeshtroi ato.
Është Usain Bolt, njeriu më i shpejtë në planet ai që i jep mbështejen e parë publike për Ronaldon. Atleti xhamajkan, në një intervistë për televizionin RTP deklaroi se Ronaldo është lojtari më i mirë në botë dhe se meriton Topin e Artë.
“Ronaldo është një futbollist fantastic. Më i miri në botë si nga ana teknike ashtu edhe nga shpejtësia në fushë”, tha Bolt.
Duke e krahasuar me rivalin kryesor të mesfushorit, Lionel Messi-n, Bolt tha se mesfushori portugez është më i kompletuar se argjentinasi, 3 herë fitues i Topit të Artë dhe pretendent për fitimin e këtij trofeu edhe këtë vit.
Top Channel
