Irlandë, trazira në Belfast

Të paktën 15 oficerë mbetën të lënduar mbrëmjen e së hënës, me tre prej tyre që janë shtruar në spital. Policia i ka konsideruar trazirat si një “cënim serioz të rendit publik”.

Anëtarë të fraksionit të quajtur Besnikët u mblodhën në Rrugën e Danimarkës, ndërsa fraksioni tjetër i njohur si Republikanët në Rrugën Antim.

Bomba molotov, tulla dhe gurë u hodhën ndaj policisë. Një furgon gjithashtu u mor nga protestuesit, të cilët e vendosën përpara vijës së forcave të rendit, për t’i penguar ato.

Nga ana tjetër, katër topa me ujë u vendosën nga policia për të shpërndarë turmën dhe të paktën një person u arrestua, ndërsa shumë rrugë u mbyllën.

Drejtori i Federatës Policore të Irlandës së Veriut, Terry Spence vlerësoi punën e oficerëve që ishin në vijën e parë. “Guximi i tyre i bëri kontrast akteve frikacake të atyre që u përpoqën t’i vrisnin”, tha Spence.

Më herët policia fajësoi Besnikët për trazirat e së dielës në një paradë republikane në zonë. Thuhet se rreth 350 besnikë ishin përfshirë në trazirat e dhunshme.

Top Channel