Presidenti egjiptian zemëron Damaskun
30/08/2012 00:00
Tarifat e Trump godasin whiskey-n, ndalon prodhimin distileria e Jim Beam 22/12 22:17
Në Teheran po mbahet samiti i vendeve anëtare të lëvizjes neutrale, traditë e mbetur që nga vitet 1960 si kundërpeshë e Luftës së Ftohtë mes Shteteve të Bashkuara të Amerikës dhe ish-Bashkimit Sovjetik.
Në këtë samit 2-ditor, marrin pjesë përfaqësues nga 50 vende të ndryshme. Mes tyre, për herë të parë që nga viti 1979, në Teheran ndodhet edhe presidenti egjiptian, Mohamed Morsi. Fjala e presidentit egjiptian, të dalë nga zgjedhjet e para të lira në vend pas revolucionit që i dha fund regjimit të Mubarakut, shkaktoi zemëratën e delegacionti sirian.
Morsi kritikoi ashpër regjimin e presidentit Bashar al-Assad duke e quajtur atë një regjim që ka humbur legjitimitetin e qeverisjes së popullit sirian, mbështetja ndaj të cilit, sipas tij, është një detyrë e cdo vendi.
“Shprehim solidaritetin tonë me popullin sirian kundër një regjimi gjakatar që ka humbur legjitimitetin e tij. Është detyra jonë etike, morale po ashtu dhe politike e strategjike të mbështesim popullin sirian në këto ditë të vështira që po kalon. Të gjithë ne duhet të solidarizohemi me një popull që kërkon liri dhe drejtësi e ta shndërrojmë këtë solidarizim në një thirrje të qartë politike për një tranzicion paqësor drejt demokracisë”, tha Morsi.
Menjëherë pas këtij fjalimi, delegacioni braktisi sallën në shenjë proteste ndaj presidentit egjiptian.
Top Channel
