Tibet, i vënë zjarrin vetes dy të rinj
28/08/2012 09:35
Situatë e rënduar në Siri, forcat rebele marrin nën kontroll qytetin e dytë më të madh të vendit 30/11 09:51
Dy adoleshentë tibetianë kanë humbur jetën pasi i kanë vënë flakën vetes në provincën e Siçuanit, kanë bërë të ditur aktivistët lokalë për mediat amerikane.
Murgu Lobsang Kalsang, 18 vjeç, dhe shoku i tij Damchoek, 17, i vunë flakën vetes të hënën në mëngjes, ka bërë të ditur grupi Free Tibet.
Ngjarja ndodhi jashtë një manastiri në kontenë Aba, ku janë verifikuar edhe shumica e zjarrvënieve, që kanë arritur në 51 raste duke filluar nga vitit 2009.
Mediat e huaja janë të ndaluara të futen në rajon, duke e bërë të vështirë verifikimin e informacionit. Mediat shtetërore kineze kanë konfirmuar disa nga zjarrvëniet, por jo të gjitha.
Më shumë se gjysma e atyre që i kanë vënë zjarrin vetes dyshohet se kanë vdekur. Dy adoleshentët ndërruan jetë mbrëmjen e së hënës pasi ishin dërguar në spital nga autoritetet kineze.
Ata po bërtisnin parulla kundër regjimit kinez dhe politikave të tij në Tibet teksa trupat e tyre digjeshin, ka bërë të ditur Radio Free Asia, që citon dëshmitarë nga vendi i ngjarjes.
Top Channel
