Vdekja e gazetares, Siria ndjesë Japonisë
24/08/2012 00:00
Foto/ Gropa ‘përpin’ tre anije në Angli, shpëtojnë mrekullisht dhjetëra persona 22/12 18:11
Autoritetet siriane i kërkuan ndjesë Japonisë dhe familjes së gazetares japoneze, Mika Yamamoto të vrarë gjatë bombardimeve në qytetin e Alepos mbrëmjen e së hënës.
Zonja Yamamoto, 45 vjeç, ishte një korrespondente lufte për agjencinë “Japan Press”, me seli në Tokio.
“Shprehim ngushëllimet tona, por nuk është e përgjegjshme të hysh në një tjetër vend në mënyrë ilegale, madje është e rrezikshme”, thuhet në deklaratën e Damaskut.
Më tej në deklaratë u bëhet thirrje të gjithë gazetarëve të huaj të shmangin hyrjet ilegale, e sidomos zonat e konfliktit në vend, pasi kjo mund t’u kushtojë jetën.
Ndërkohë, një gazetar amerikan rezulton i zhdukur prej më shumë se një jave në Siri. Sipas ‘Washington Post’, janë humbur kontaktet me Austin Tice, fotoreporter 31-vjeçar i cili mbulon rebelimin sirian ndaj regjimit të Damaskut.
Tice, një ish-ushtar i marinës amerikane në Afganistan dhe Irak, ka shkuar në Siri nga Turqia në muajin maj.
Top Channel
