![](https://top-channel.tv/wp-content/uploads/2024/06/VLASIC1080_1-1-800x450.jpg)
Trajneri i Tiranës, Rubio Sanchez është shfaqur i lodhur, ndoshta edhe nga vapa në konferencën e fundit për shtyp para Superkupës me Skënderbeun.
Tekniku spanjoll vazhdon me stilin e tij duke iu përgjigjur pyetjeve të gazetarëve me pyetje dhe duke mos dhënë informacion.
“Do të jetë njësoj si ndeshjet e kaluara, pasi ne e njohim njëri-tjetrin. Fati i keq do të bëjë që një nga skuadrat të humbasë”, ka deklaruar Rubio.
Ndryshe nga trajneri i përgjumur, kapiteni i skuadrës Iljon Lika ka deklaruar se lojtarët dhe pesha e fanelës do të bëjnë diferencën në këtë finale, dhe jo emrat e trajnerëve.
“Ne jemi të përqendruar si ekip bashkë me stafin administrativ. Jemi stërvitur për ta bërë tonën këtë trofe”, ka thënë Lika.
Superkupa e Shqipërisë, ajo mes Tiranës dhe Skënderbeut do të luhet ditën e diel në orën 19:30 dhe do të transmetohet direkt në paketën Supersport.
Top Channel