Arrest shtëpie për pronaren e agjencisë
16/08/2012 19:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Gjykata e Tiranës vendosi arrest shtëpie për pronaren e agjencisë turistike “Pasha Holiday”, Marselinda Kortoçi, pasi braktisi 180 turistët shqiptarë në Egjipt.
Gjatë shpjegimit përpara gjykatës, Kortoçi tha se ia kishte dhënë paratë një agjencie egjiptiane e cila nuk i kishte derdhur ato në arkën e hotelit ku ishin akomoduar shqiptarët.
Sipas Kortoçit, më pas ajo kishte ripaguar për turistët shqiptarë duke humbur një shifër të konsiderueshme të hollash. Si rezultat i kësaj nuk pati mundësinë të dërgonte turistë të tjerë të cilëve u kishte marrë të holla.
Prokuroria për Kortoçin kërkoi masën e sigurisë 30 ditë në burg, por gjykata vlerësoi me masën e arrestit shtëpiak.
Top Channel
