Filipine, 60 të vdekur nga moti i keq
10/08/2012 16:30
Gjashtëmbëdhjetë të vdekur në një aksident me autobus në Indonezi 22/12 07:25
Të paktën 60 persona kanë vdekur për shkak të shirave të dendura që kanë rënë në fillim të javës në Manila.
Një bilanc ky që e çon në 113 numrin total të viktimave të motit të keq që ka përfshirë Filipinet që prej fillimit të gushtit.
Lajmin e ka bërë të ditur të premten agjencia qeveritare që menaxhon emergjencat e shkaktuara nga katastrofat natyrore.
Situata në kryeqytet vazhdon megjithatë të përmirësohet pas përmbytjeve të rënda që arritën kulmin ditën e martë.
Përmbytjet kanë paralizuar pjesë të rëndësishme të kryeqytetit, duke detyruar dhjetra mijëra banorë të braktisin shtëpitë e tyre, si dhe të mbyllin shkollat e zyrat.
Autoritetet deklarojnë se gjysma e Manilës është prekur nga përmbytjet, me ujin që ka kaluar mesin e trupit të njeriut dhe në disa raste ka arritur deri në nivelin e mjekrës.
Qyteti i Manilas është dëmtuar edhe më herët gjatë vitit nga fenomenet natyrore. Mbi 50 persona humbën jetën pasi tajfuni Saola përshkoi vendin rreth tre javë më parë.
Top Channel
