Milan e sheh të pamundur rikthimin e Kaka’, të paktën gjatë kësaj merkatoje verore. Adriano Galliani bëri të ditur për mediat italiane pasi u takua me drejtuesit e Real Madrid se e sheh shumë të vështirë që braziliani të veshë sërish fanellën kuqezi.
“Negociatat për Kaka’ janë shumë të vështira. Flitet për shifra shumë të larta dhe për rrogë të lartë. Do të thoja që praktikisht ky operacion është i pamundur”, theksoi administratori i deleguar i Milanit.
“Do të vazhdojmë tratativat, por nuk dua të mbush me shpresa të kota tifozët”, shtoi Galliani.
Milan kërkon që Kaka’ të luajë i huazuar falas me kuqezinjtë për një sezon dhe të klubi të paguajë vetëm gjysmën e rrogës së futbollistit (5 milionë euro), ndërsa Real kërkon ta shesë lojtarin për të paktën 30 milionë euro.
Top Channel
