Juventus arkëton milionat

Nëse drejtori Bepe Marota do të arrijë të gjejë një destinacion për të gjithë lojtarët e lënë jashtë projektit të trajnerit, atëherë do të krijohet një thesar që mund të bëjë diferencën në merkato, në krahasim me ekipet e tjera italiane.

7.5 milionë euro kanë ardhur nga shitja e Elias te skuadra gjermane Verder Bremen ndërsa e njëjta shifër u arkëtua nga tramsferimi i serbit Krasic te Fenerbahce. Por Juventus po finalizon një tjetër akord për të dërguar Felipe Melon në Stamboll, këtë herë te skuadra e gallatasarajit, në një shitje përfundimtare dhe jo në huazim.

Kjo faturë mund të garantojë një futbollist cvilësor për Juventusin në sezonin e ri, në gjendje të ofrojë konkurrencë edhe në ligën e kampioneve. por në organikën e skuadrës torineze janë të paktën edhe 7 futbollistë të tjerë të cilët konsiderohen jashtë planeve.

Të parët janë Maninger, Zigler, Iakuinta, apo Martinez, që duhet ende të gjejnë një destinacion të ri, deri në fundin e merkatos në 31 Gusht.

Top Channel