Londër 2012, trukime në badminton
01/08/2012 10:50
Mick Schumacher pranë rikthimit në Formula 1, djali i legjendës gjermane pritet të garojë me skuadrën e… 06/05 14:29
Federata Ndërkombëtare e Badmintonit (BWF) akuzoi ditën e mërkurë tetë lojtare të lojës dyshe për femra në badminton për lëshime në ndeshjet e tyre në Lojërat Olimpike “Londër 2012”.
Katër çiftet, një nga Kina, një nga Indonezia dhe dy nga Korea e Jugut, mund të përballen me dënime pasi lejuan kundërshtarët të fitonin për të manipuluar renditjet e grupit.
Tolerimet ishin aq të hapura sa edhe publiku nisi të vërshëllejë sportistët. Në raundin e parë, dy çifte (ajo koreane dhe ajo kineze) ishin të kualifikuara dhe këto çifte u munduan të humbnin ndeshjen mes tyre për t’u përballur me kundërshtarë më të lehtë në fazën tjetër.
Ndeshja ishte qesharake kur të katër lojtaret humbnin me dashje gjuajtje të lehta ose shërbimet i godisnin në rrjetë.
Arbitri Torsten Berg i paralajmëroi lojtarët për sjelljen e tyre dhe i kërcënoi me kartonin e zi. Ndeshja më në fund u fitua nga koreanet.
Top Channel
