Propozimi i Pakistanit për SHBA

Për t’i dhënë fund kësaj, Pakistani kërkon nga Uashingtoni ndihmë në zhvillimin e teknologjisë së droneve (avionë bombardues pa pilotë) në mënyrë që t’i ndërmarrë vetë këto sulme. Më datë 2 gusht pritet një takim mes kreu të CIA-s, Leon Panneta dhe kreu të shërbimeve inteligjente të Pakistanit, Zahirul Islam.

CNN citon burime nga inteligjenca pakistaneze, se Islam ka një propozim konkret për Shtetet e Bashkuara. “Amerikanët të identifikojnë dhe përcaktojnë objektivin dhe sulmi të ndërmerret nga forcat e sigurisë pakistaneze”, citon zyrtarin e lartë pakistanez CNN.

Një propozim i tillë vështirë të pranohet nga Uashingtoni pasi kjo do të përkthehej me shpërndarjen e teknologjisë së fundit të droneve në një vend tjetër, që megjithëse mbetet aleat, sërish nuk është në duar të sigurta.

Në fillim të këtij viti, e vendosur nën akuza e presion nga opinioni i brendshëm amerikan dhe ndërkombëtarë, administrata Obama mbrojti sulmet me dronë duke i cilësuar ato si tërësisht brenda ligjeve ndërkombëtare.

Këshilltari për luftën kundër terrorizmit i Shtepisë së Bardhë, John Brennan tha se avionët pa pilotë, të pajisur në shumicën e rasteve me bomba djegëse, do të vazhdojnë të përdoren në misione në Jemen dhe Pakistan për të asgjesuar të gjithë elementët terroristë që kërcënojnë sigurinë e Shteteve të Bashkuara.

Top Channel