Interi kërkon edhe Hernandez
20/07/2012 00:00
Inter, ‘dhimbje koke’ për Chivu, Lautaro Martinez dëmtohet në pulpë, nuk luan ndaj Como 10/04 16:50
Interi mund të sjellë në Milano një tjetër futbollist të Palermos dhe
bëhet fjalë për Abel Hernandez. Lajmi bëhet i ditur nga ‘La Gazzetta
Dello Sport’, sipas së cilës, klubi zikaltër kërkon që të marrë
uruguajanin në shkëmbim të sulmuesit të ri, Samuele Longo të cilin
Zamparini e kishte kërkuar edhe në bisedimet për transferimin e
Silvestres në Apiano Xhentile.
Hernandez pëlqehet shumë nga trajneri Stramacioni, i cili e konsideron atë si një përforcim shumë të mirë për skuadrën e tij dhe që mund të ndihmojë Militon në repartin e sulmit.
Megjithatë, drejtuesit e Interit ende nuk kanë nisur bisedimet me Palermon në lidhje me këtë cëshrje dhe kjo për faktin se milanezët në këtë moment janë të përqendruar tek problemi i largimit të futbollistëve. Zikaltrit ende nuk e kanë zgjidhur situatën e Zhulio Sezar, Stankovic, Maikon dhe Pacinit dhe në momentin që do të shesë këta lojtarë, atëherë klubi mund të nisë bisedimet për Hernandez, që aktualisht është i grumbulluar me përfaqësuesen uruguajane për Lojërat Olimpike të londrës.
Top Channel
