Dronët, padi Pentagonit dhe CIA-s
19/07/2012 00:00
Shtatë të plagosur nga sulmet e Iranit, Netanyahu thirrje izraelitëve: Mund të dilni nga strehimoret 14/06 07:04
Të afërm të tre shtetasve amerikanë të vrarë në sulme me avionë të
telekomanduar në Jemen po padisin zyrtarë të lartë të Pentagonit dhe
CIA-s, me pretendimin se vrasjet ishin jokushtetuese.
Kleriku Anwar al Awlaki dhe Samir Khan humbën jetën në shtator, ndërsa i biri i Awlakit, Abdulrahman, 16 vjeç, vdiq në tetor.
Të afërmit akuzojnë sekretarin e Mbrojtjes, Leon Panetta, drejtorin e CIA-s, David Petraeus dhe dy komandantë ushtarakë se autorizuan sulmin.
Çështja e përdorimit ilegal të avionëve të telekomanduar ka qenë në qendër të vëmendjes në javët e fundit në Shtetet e Bashkuara.
Awlaki, një klerik islamik radikal i lindur në shtetin e Nju Meksikos, ishte një figurë kyçe e degës jemenase të Al Kaedës në Gadishullin Arabik. Ndërsa djali i tij 16-vjeçar kishte lindur në Kolorado.
Ndërkohë, Samir Khan ishte një shtetas amerikan i natyralizuar që ishte përfshirë në përgatitjen e revistës në versionin anglez për Al Kaedën.
Padia është hartuar nga Nasser al Awlaki, babai i Anwar, dhe Sarah Khan, mamaja e Samir Khan.
Komandantët ushtarakë, admirali William McRaven, shef i operacioneve speciale, dhe toger-gjeneral Joseph Votel janë gjithashtu persona të përmendur në këtë padi, që kërkon dëme të papërcaktuara.
“Vrasjet shkelin të drejtat thelbësore që u takojnë të gjithë shtetasve amerikanë, përfshirë atë për të mos u privuar nga jeta pa një proçes gjyqësor”, thuhet në ankesën ligjore.
Top Channel
