“Autonomia për veriun, rrezik”

“Si rezultat i kësaj, përfundimisht çka do të kemi në Kosovë? Do të kemi shqiptarë të cilët do ta ngrisin zërin dhe do të bëheshin më të zëshëm për bashkimin me Shqipërinë. Dicka e njëjtë do të ndodhë edhe në Maqedoni, ndërsa si refleksion i kësaj në Bosnjë do të kemi kërkesa të kroatëve për autonomi atje”, tha Shpend Kursani, KIPRED.

Sipas drejtuesve të KIPRED-it, autonomia e veriut të Kosovës do të jetë çmimi që do ta paguaj Kosova për normalizim të marrëdhënieve me Serbinë, për çfarë bashkësia ndërkombëtare është e interesuar.Në një konferencë për media drejtori i këtij instituti, Ilir Deda, tha se lidershipi i Kosovës nuk ka vullnet ta parandalojë këtë autonomi për veriun.
 
“Për këtë e kemi edhe një presion ndërkombëtar që të krijohet një qeveri e re, apo siç i thonë vetë ndërkombëtarët ‘UÇK Qeveria’ e cila do të përbëhet prej PDK-së dhe AAK-së, sepse ata mendojnë se kjo qeveri mundet të japë autonominë në veri, pa pasoja të brendshme. Ky është një gabim jashtëzakonisht i madh i perëndimit”, t ha Ilir Deda, KIPRED.

Sidoqoftë, zyrtarë shtetërorë, përfaqësues të partive politike, por edhe ndërkombëtarë deklarojnë shpeshherë se nuk do të ketë ndarje të Kosovës e as zgjidhje për veriun jashtë “Planit të Ahtisaarit”. Gjatë marsit të këtij viti nga foltorja e Kuvendit, duke iu kundërpërgjigjur zërave për ndryshim të kufijve, kryeministri i Kosovës, Hashim Thaçi, pati deklaruar se, shqiptarët më së miri dhe më së lehti mund të jetojnë në një shtet të vetëm.

Top Channel