Autoritetet zgjedhore në Meksikë kanë njoftuar se do të rinumërojnë më shumë se gjysmën e kutive të votimit, pas zgjedhjeve presidenciale të së dielës së shkuar, pasi kanë gjetur mospërputhje të fletëve të votimit.
Andres Manuel Lopez Obrador i partisë të majtë, PRD, kishte kërkuar një rinumërim të plotë pasi rezultatet e para renditën atë në vendin e dytë.
Ai akuzoi kandidatin kryesues, Enrique Pena Nieto se kishte thyer rregullat zgjedhore.
Pena Nieto i PRI ka mohuar akuzat se partia e tij i kishte blerë votat.
Rezultatet paraprake i dhanë zotit Pena Nieto një kryesim prej gjashtë pikë përqindjeje më shumë se z Lopez Obrador.
Sekretari Ekzekutiv i Institutit Federal Zgjedhor, Edmundo Jacobo tha se rinumërimi ishte një ushtrim i hapur dhe transparent.
Ai tha se 78.012 nga 143,132 kuti votimi të përdorura në zgjedhjet presidenciale, do të hapen dhe do të numërohen.
Top Channel
