Rikuperohen trupat e pilotëve turq

Lajmin e bëri të ditur televizioni turk “TRT”, që informoi se pilotët u gjetën në fund të shtratit të Detit Mesdhe, në një zonë të dyshuar si më parë si vendi ku ishte përplasur avioni “Phanton F-4”, i qëlluar nga bateritë bregdetare kundërajrore, pasi hyri shkurtimisht në hapësirën ajrore siriane.

Të dy pilotët ishin ende të lidhur në kabinën e tyre dhe nuk kishin pasur kohë të katapultoheshin me parashutë, provë se ishin duke fluturuar shumë ulët ose se impakti kishte qenë fatal që në goditjen e parë.

Gjetja e trupave të pilotëve u mundësua nga shqyrtimi i shtratit të detit nga një anije e specializuar amerikane.

Gjuajtësi turk u rrëzua në datën 22 qershor, duke krijuar një incident diplomatik midis dy vendeve. Ankaraja e konsideroi rrëzimin e avionit si një akt agresioni dhe si rrjedhojë zhvendosi njësi të shumta ushtarake në kufi me fqinjin jugor.

Nga ana e tij, Presidenti i Sirisë, Bashar al-Assad, pranoi se ndiente keqardhje të thellë për faktin se avioni i qëlluar ishte turk dhe pranoi se do të kishte dashur që incidenti të mos kishte ndodhur, në një intervistë të dhënë në një të përditshme turke gjatë javës.

Top Channel