Monti: Tregjet europiane në rrezik
22/06/2012 14:35
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Kryeministri i Italisë paralajmëroi liderat e Eurozonës se çdo dështim në gjetjen e një zgjidhje të përbashkët për krizën aktuale në Europë do të sjellë dëmtime të mëdha në ekonominë europiane.
Mario Monti pritet të takohet me udhëheqësit e Francës, Gjermanisë dhe Spanjës në Romë përpara samitit të javës së ardhshëm të BE-së.
Sipas Montit, një ish-bankier, është e pritshme që “Europa të vendoset në shënjestër të sulmeve të mëdha spekuluese, që do të zhysin në krizë të mëtejshme ekonominë, nëse nuk bashkohemi të gjithë në këtë moment vendimtar për të ardhmen e kontinentit”.
Takimet e së premtes do të përqendrohen kryesisht tek kriza spanjolle dhe situata e ndërlikuar e financave italiane.
Sipas një auditi të kryer në bankat spanjolle, vendi do të ketë nevojë për 62 miliardë euro për të shpëtuar bankat në rrezik falimentimi.
Më parë gjatë qershorit, liderat europianë vendosën në dispozicion të Madridit një hua prej 100 miliardë eurosh.
Top Channel
