Kriza, bien të ardhurat
21/06/2012 00:00
Me hyrjen e Bullgarisë në eurozone, Fibank forcon prezencën Europiane në Shqipëri 18/07 19:07
Financat e qeverisë u përkeqësuan fort në maj, për shkak të rënies së të
ardhurave nga taksat. Të dhënat zyrtare të Ministrisë së Financave
tregojnë se muajin e kaluar të ardhurat e buxhetit ishin 27.5 milionë
dollarë më pak se plani, që është dhe defiçiti më i madh i krijuar gjatë
këtij viti.
Shifrat tregojnë se rënia ka ardhur e gjitha nga taksat që mbledhin tatimet dhe doganat, duke parlajmëruar se pas një fillim viti të vështirë ekonomia mund të ketë ngadalësuar edhe më shumë ritmet. Si pesëmujor të ardhurat e buxhetit janë rreth 88 milionë dollarë më të ulëta se plani, duke e bërë të vështirë financimin e shpenzimeve të qeverisë dhe mbajtjen nën kontroll defiçitin buxhetor.
Në buxhetin e këtij vitit, niveli ligjor i defiçitit është përcaktuar rreth 41 miliardë lekë ose 3% e prodhimit kombëtar. Qeveria ka deklaruar se do ta ruajë me çdo kusht këtë nivel për të mos rrëzikuar stabilitetin financiar të vendit dhe kufirin e borxhit publik.
Por kjo duket se nuk do të jetë e lehtë. Vetëm në 5 muajt e parë shifra e defiçitit ka arritur në rreth 20 miliardë lekë ose gati sa gjysma e kufirit vjetor.
Tashmë buxheti fillestar i qeverisë ka rënë dhe pritet që shumë shpejt, ashtu sic edhe e ka pranuar publikisht, ministria e financave të paraqesë draftin e ri, të shkurtuar. Por përtej rënies së të ardhurave, buxhetit rëndohen edhe nga ngadalësimi i rritjes ekonomike, e cila me gjasa do të jetë më e ulët nga parashikimi optimist i qeverisë prej 4.3 për qind. Rënia e rritjes ekonomike poshtë këtij niveli i ndryshon të gjitha llogaritë e buxhetit, kryesisht ato që lidhen me deficitin dhe borxhin publik, çka mund të imponojë shkurtime më të mëdha tek shpenzimet, ku zëri që goditet më shumë janë gjithmonë investimet.
Top Channel
