Një prokuror në Turqi ka kërkuar dënimin e një kurdi shurdmemec dhe analfabet me 25 vjet heqje lirie, për mbështetje të terrorizmit.
Në momentin e arrestimit atij iu gjet me vete një limon i prerë përgjysmë dhe limoni është përdorur si provë ndaj Mehmet Tahir Ilhan, pasi ai është në gjendje të zbusë efektet e gazit lotsjellës.
Ilhan u prangos pasi u gjend në mes të një demonstrate të paligjshme në qytetin e tij, Mersin, në jugun e Turqisë.
Sipas autoriteteve, ai ka bërë propagandë në favor të Partisë Popullore Kurde, e cila është e paligjshme në vend.
Ilhan, një punonjës artizal qeramike, nëpërmjet gjuhës së gjesteve, i ka mohuar të gjitha akuzat me të cilat ai është përballur në gjyq.
Sipas ligjeve turke, ofrimi i mbështetjes së çfarëdoshme ndaj PPK-së është një “akt terrorizmi”.
Mediat ndërkombëtare kanë veçuar faktet se ndonëse sistemi gjyqësor në Turqi nuk njihet si ndër më të paaanshmit, një gjyq i tillë është skandaloz duke pasur parasysh edhe vetë standartet e drejtësisë në vend.
Top Channel
