Egjipti pa gjendje të jashtëzakonshme pas 31 vitesh

Gjendja e jashtëzakonshme ka hyrë në fuqi në vend pa ndërprerje që nga vrasja e Presidentit Anëar Sadat në vitin 1981.

Heqja e ligjit ka qenë një nga kërkesat kryesore të aktivistëve në kryengritjen e vitit të kaluar kundër presidentit Hosni Mubarak.

Sundimtarët ushtarakë të Egjiptit, të cilët morën përgjegjësinë pas rrëzimit të Mubarak, treguan se ata nuk do ta rinovonin ligjin.

Disa egjiptianë kishin frikë se vendi, duke u përgatitur për balotazhin e zgjedhjeve presidenciale, do të lihej në një vakum pa ligjin, i cili skadonte të enjten në mesnatë.

Këshilli Suprem i Forcave të Armatosura lëshoi një deklaratë për të siguruar vendin se do “të vazhdojë të kryejë përgjegjësitë e tij kombëtare në mbrojtjen e vendit derisa transferimi i pushtetit të përfundojë”.

Zëdhënësi i Departamentit Amerikan të Shtetit, Mark Toner e përshkroi heqjen e këtij ligji si një hap drejt tranzicionit demokratik.

Ligji i Emergjencës ishte një faktor kyç i sundimit të Presidentit Mubarak, i cili në mënyrë të përsëritur thyente premtimet për ta hequr atë.

Top Channel