Forcat e BE-së sulmojnë piratët
15/05/2012 15:25
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Forcat detare të Bashkimit Europian kanë ndërmarrë një sulm të parë mbi bazat e piratëve në thellëzinë e territorit somalez, duke shkatërruar disa gomone dhe mjete të lehta që i shërbenin atyre për të pengmarrë anijet.
Përveç bombardimit nga deti, një njësi elitë e BE-së u transportua me helikopter në thellësi të territorit të vendit afrikan, në një tentativë për të liruar disa pengje që besohet se mbahen në zonë.
Piratët somalezë e kanë shndërruar piraterinë në det në një aktivitet tejet fitimprurës, pasi kërkojnë shumë të mëdha për lirimin e anëtarëve të ekuipazhit dhe anijeve të cilat sekuestrojnë në ujrat e Oqeanit Indian.
Aktiviteti i tyre i ka sjellë miliarda euro humbje tregëtisë botërore, nga dëmet e shkaktuara dhe nga rritja e kostove për eskortimin e anijeve transportuese.
Aktualisht, piratët janë duke mbajtur 17 anije dhe rreth 300 marinarë në zona të ndryshme të vendit.
Në sulmin e fundit të piratëve, anija çisternë greke “Smyrni” u pengmor pranë brigjeve të Omanit dhe është duke udhëtuar drejt territorit somalez.
Çisterna, e drejtuar nga 15 marinarë, transportonte mbi 135 mijë tonë naftë, që ka një kosto prej dhjetëra miliona dollarësh.
Top Channel
