Afganistan, vritet kryenegociatori i paqes
13/05/2012 10:10
Shkarkohet kirurgu i njohur francez që kthente hundën e pacienteve në ‘patate’ (fotot)
25/11 15:52
Një prej negociatorëve kryesorë të paqes midis autoriteteve afgane dhe talebanëve u vra mëngjesin e së dielës në Kabul, bënë të ditur burime zyrtare.
Arsala Rahmani, një ish-ministër tabelan dhe një antar kyç i Këshillit të Lartë Afgan të Paqes, kishte udhëhequr së fundmi një seri bisedimesh me drejtues të lartë të ekstremistëve fetarë.
Ai konsiderohej si një element kyç në tentativat e Kabulit për të afruar gjeneralët talebanë në tryezën e bisedimeve.
Vrasja e Rahmanit, një bashkëpunëtor i ngushtë i presidentit Hamid Karzai, përbën një goditje të madhe për shpresat e arritjes së paqes në vendin e përçarë nga lufta fetare.
Një vit më parë, procesi i paqes pësoi gjithashtu një goditje të rëndë, kur shefi i Këshillit të Lartë u vra në një sulm vetvrasës.
Sipas policisë, Rahmani u qëllua me një plumb të vetëm nga një atentator i paidentifikuar që përdori një armë me silenciator, ndërsa ishte duke shkuar në punë, në Kabulin perëndimor.
Besohet se atentati është kryer nga sektorët më radikalë të talebanëve, që kundërshtojnë çfarë do lloj bisedimi me autoritetet zyrtare.
Top Channel
