Universitetit të Tiranës i shtohet dhe një program i ri masteri në fushën e shërbimeve sociale për institucionet e drejtësisë.
Programi mbështetet nga prezenca e OSBE-së në Tiranë dhe në të mund të diplomohohen studentët e Fakultetit të Drejtësisë e Shkencave Sociale.Kryetari i prezencës së OSBE-së, Eugen Wollfarth e vlerësoi programin e masterit të ri social, i cili do të ndihmojë sidomos institucionin e shërbimit të provës.
“Eshtë mëse e qartë se shërbimet e mira nga këto institucione mund të ofrohen vetëm nëse profesionistët që punojnë cdo ditë me të dënuarit dhe me viktimat e krimit marrin një arsim dhe trajnim të specializuar.
Ajo çfare ne dhe partnerët tanë shpresojnë është që ky program masteri të ndihmojë në përmirësimin e standardeve të shërbimeve sociale dhe veçanërisht të shërbimeve që ofrohen në sistemin e drejtësisë”, tha Wollfarth.
Ndërsa ministri i Arsimit Myqerem Tafaj theksoi se ky master do t’i hapë të rinjve mundësi punësimi në tregun e sotëm.
Programi është masteri i parë ndërsiplinor në Shqipëri dhe do të ofrohet në universitetin e Tiranës në tetor të këtij viti, kur nis viti akademik 2012-2013.
Top Channel
