Bosnje, ngrihet aktakuza ndaj atentatorit
23/04/2012 15:40
Analiza/ Kosova në tellallët rusë dhe nevoja për strategji efikase 24/11 18:35
Prokuroria në Bosnje e Hercegovinë ka ngritur aktakuzën ndaj autorit të sulmit ndaj ambasadës amerikane në Sarajevë, në tetorin e vitit të kaluar.
Sipas raportimeve të “REL”, aktakuza është ngritur në një seancë më dyer të mbyllura dhe detajet e saj do të bëhen publike më vonë gjatë së hënës.
Atentatori Mevlid Jashareviç, më 28 tetor, sulmoi me kallashnikov selinë e ambasadës amerikane në kryeqytetin boshnjak, duke plagosur dy persona.
Forcat e policisë që u vunë në lëvizje arritën të neutralizonin Jashareviç pasi u detyruan të përdornin armët, për të shmangur gjakderdhjen e mëtejshme.
Një sërë hetimesh u kryen pas sulmit, të cilat treguan se atentatori ishte pjesëtar i grupeve ëahabiste dhe çuan në arrestimin e disa të dyshuarve të tjerë.
Top Channel
