Klasikja, madrilenët sulmojnë sërish arbitrat
20/04/2012 15:25
Derbi do luhet me tifozë, FSHF “fal” me llogari Tiranën para Partizanit 25/11 16:26
Aitor Karanka, zëvendëstrajneri i Real Madrid, është paraqitur sërish në konferencën e shtypit para ndeshjes së nesërme ndaj Barcelonës në vend të Mourinhos duke ndjekur të njëjtin diskurs polemizues me teknikun portugez.
Karanka ka theksuar se të shtunën në mbrëmje (ora 20.00) “Real Madrid do të luajë për të sulmuar dhe për të shënuar gola. Këtë gjë kemi bërë edhe në klasiket e tjera, por ka disa gjëra që lojtarët në fushë nuk mund t’i kontrollojnë dot”, duke iu referuar favorizimeve të gjyqtarëve për ekipin katalanas.
Zëvendësi i portugezit deklaroi se ekipi madrilen nuk është i lodhur: “Në një ndeshje si ajo e nesërmja nuk ka lodhje. Janë tre pikë të rëndësishme, por do të mbeten edhe katër ndeshje sido që të përfundojë takimi.”
Në lidhje me takimin e të mërkurës ndaj Bayern Munchen, i vlefshëm për gjysmëfinalen e kthimit të Ligës së Kampioneve, Karanka deklaroi: “Në mendjen tonë është vetëm Barcelona. Nuk mendojmë për të mërkurën.”
Top Channel
