Marek Hamsik ka zgjatur kontratën që e lidh me Napolin deri në qershor të vitit 2016. Pra futbollisti sllovak do të qëndrojë në Itali edhe katër vite të tjera.
“Martesa” mes Hamsik dhe klubit italian ka nisur para pesë vitesh dhe me kontratën e re talenti nga Banska Bystrica është drejt rrugës për tu bërë një flamur i klubit të kaltër.
Marek Hamsik ka shënuar vetëm 7 gola gjatë këtij sezoni për shkak edhe të pozicionit të ri që Mazzarri i ka besuar, një pozicion disa metra më larg portës në krahasim me sezonet e kalaura.
“Dua që në këto gjashtë ndeshjet e mbetura të bëjmë të pamundurën për vendin e tretë edhe pse është një objektiv i vështirë për tu arritur”, ka theksuar ditët e fundit Hamsik.
Napoli renditet në vendin e gjashtë të Serisë A italiane me 48 pikë, 6 pikë më pak se Lazio e vendit të tretë.
Top Channel
