Conte: Të mundim Lazion

Këto janë fjalët e Antonio Conte, trajnerit të Juventusit, para ndeshjes që bardhezinjtë do të luajnë ndaj bardhekaltërve të mërkurën në mbrëmje, në Juventus Stadium (20.45).

“Lazio ka një objektiv shumë të rëndësishëm: arritjen e vendit të tretë. Por edhe ne kemi objektivin tonë”, shtoi tekniku italian, por që nuk e përcakton me saktësi objektivin duke mos përmendur “titullin kampion”.

“Objektivi ynë është të fitojmë ndeshjen e radhës dhe këtë objektiv do të kemi deri në fund të sezonit. Jemi mirë psikologjikisht dhe fizikisht, kemi entuziazëm dhe jemi të ndërgjegjshëm për forcën tonë. Milan është një ekip shumë i fortë dhe ne e marrim si shembull. E rëndësishme është të luftojmë me shpirt gjatë çdo takimi. Nuk ka rëndësi se çfarë arrijmë në fund sepse sido që të shkojë, kemi bërë një sezon të mrekullueshëm”, thekson Conte.

Juventus renditet në vendin e parë të Serisë A me një pikë më shumë se kuqezinjtë e Allegrit.

Top Channel