Paris Saint Germain po përgatit planin për tu shndërruar në një superfuqi të futbollit europian me anë të milionave të pronarëve të pasur.
Nasser Al-Khelaifi, presidenti i deleguar i klubit francez, do i vërë në dispozicion trajnerit Ancelotti plot 100 milionë euro për merkaton e sezonit të ardhshëm.
Sipas ‘France Football’, shumica e këtyre parave do të shkojnë për mesfushorin e Real Madrid, Kaka’.
Ancelotti ka punuar me brazilianin tek Milani dhe kërkon me çdo kusht ta ketë sërish nën urdhrat e tij edhe pse blerja do të varet nga rendimenti i lojtarit me Realin deri në fund të sezonit.
Që nga transferimi tek madrilenët, Kaka’ ka pësuar shumë dëmtime që e kanë penguar të arrijë nivelin e tij më të lartë. Gjithashtu blerja e Ozil nga Werder Bremen nuk e ndihmoi pasi gjermani fitoi menjëherë vendin në formacion me paraqitje të shkëlqyera.
Top Channel
