Gjimnazistët në sallën e Kuvendit
31/03/2012 00:00
Zjarr në një banesë në Tiranë, ndërron jetë nga asfiksia i moshuari
12/03 22:18
Një grup gjimnazistësh vizituan sallën e Seancave Plenare, ku gjatë
bashkëbisedimit me Kryetaren e Kuvendit, Jozefina Topalli, u njohën me
rolin, funksionimin dhe procedurat parlamentare.
Duke zënë vendin e deputetëve e ministrave, të rinjtë e shndërruan takimin në një seancë ku u përcoll interesi dhe kureshtja e tyre mbi mënyrën se si punohet në Kuvend, ligjet që kalohen dhe votimi i tyre, reformat dhe procesi drejt integrimit evropian.
Kryetarja e Kuvendit përcolli për të rinjtë një mesazh duke i inkurajuar ata, të fokusojnë interesin e tyre për matematikën, si një ndër shkencat më të rëndësishme bashkëkohore që ecën me zhvillimin e teknologjisë dhe epokën dixhitale në të cilën ne jetojmë.
Kryetarja Jozefina Topalli bisedoi me të rinjtë mbi dëshirat dhe profesionet që ata kanë për të ardhmen e tyre, duke i nxitur ata që për të qenë të suksesshëm në jetë, të zgjerojnë njohuritë e tyre në shkenca ekzakte, ato sociale, art, muzikë, kulturë, sport etj.
Top Channel
