Kanadaja zhduk qindarkën
30/03/2012 16:45
Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Kanadaja vendosi tërheqjen nga tregu financiar të “Penit”, ndarja më e vogël monedhës së saj pasi kosto e prodhimit tejkalon vlerën që ajo ka në treg.
Vendimi hyn në fuqi në shtator të këtij viti, kur do të ndalet prodhimi i qindarkës së dollarit kanadez. Megjithatë, njerëzit mund t’i përdorin ato normalisht, deri për aq kohë sa ekzitojnë ende në treg.
Sipas qeverisë kanadez, prodhimi i “penit” është një barrë për buxhetin e vendit, pasi prodhimi i një peni kushton 1.6 cent. Nga kjo masë Kanadaja do të kursejë afërsisht 11 milion dollarë në vit.
Një dollar kanadez përbëhet nga 100 peni dhe zhdukja e tij nuk do të ketë asnjë efekt, përvecse rrumbullakosjes së cmimeve që kanë shqetësuar bizneset. Ata thonë se një produkt që kushton 7.99 dollarë duket më i lirë se një që kushton 8 dollarë, pavarësisht diferencës së papërfillshme.
Ndërkohë, qeveria kanadeze ka ftuar të gjithë qytetarët e saj t’i dhurojnë të gjitha monedhat peni për bamirësi, ose t’i hedhin nëpër shatërvane për fat, në mënyrë që të përshpejtohet procesi i zhdukjes së tij.
Top Channel
