Parada e homoseksualëve

“Në mënyrë të veçantë do të doja të jepja një mesazh, të gjithë atyre njerëzve të cilët mendojnë se do të nxjerrin hunjtë nga muzetë e mesjetës për të goditur të drejtat dhe liritë e njeriut në Shqipëri, për të cilat po punohet prej 20 e kusur vitesh. Këtyre të fundit u bëj me dije në mënyrë të drejpërdretjë dhe korrekte se unë do të jem aty ku shqiptarët manifestojnë të drejtat dhe liritë e tyre, le të më rrahin mua të parin”, tha Avokati i Popullit, Igli Totozani.   

Igli Totozani deklaron gjatë një interviste dhënë për Top Channel, se është duke pritur që zëvendësministri i Mbrojtjes Ekrem Spahiu të kërkojë falje për deklaratën e bërë.

“Ne jemi duke pritur nga zv. minstri i Mbrojtjes të deklarohet qartë, të kërkojë falje publike ose ndryshe të përgënjeshtrojë lajmin e dhënë në një nga gazetat e përditshme shqiptare”, tha më tej Totozani.  

Kreu i institucionit të Avokatit të Popullit ka apeluar jo vetëm ndaj politikanëve, por edhe ndaj cdo shqiptari për të bërë sjellje europiane dhe të mos cënojë të drejtat e këtij komuniteti.

“Ndaj qyterarëve unë kam një apel: Ne duhet të tregojmë me vepra konkretet qënien tonë në Europë dhe perëndim. Akoma më i madhë është ky apel ndaj zyrtarëve të cilët duhet të ndihmojnë shoqërinë shqiptare në këtë rrugë europianizuese”, shtoi Totozani.

Sipas tij gjithcka në luftën e tij për të mbrojtjur komunitetin gei në Shqipëri është konform detyrës kushtetuese për Liritë dhe të Drejtat e Njeriut.

Top Channel