Haxhinasto, vizitë në Maqedoni
15/03/2012 00:00
Zgjedhjet e parakohshme lokale në Tiranë, PS cakton Belinda Ballukun drejtuese të fushatës 25/09 20:00
Numri dy i qeverisë shqiptare, njëkohësisht ministër i Jashtëm Edmond
Haxhinasto nis të enjten një vizitë dyditore në Maqedoni, me ftesë të
Ministrit të Jashtëm Nikolla Popovski.
Në programin e vizitës veç bisedimeve zyrtare ndërmjet dy ministrave të Punëve të Jashtme, janë parashikuar takime të Ministrit Haxhinasto edhe me Presidentin e Republikës së Maqedonisë, zotin Gjeogje Ivanov, me Kryetarin e Parlamentit, zotin Trajko Veljanovski, me Kryeministrin, zotin Nikolla Gruevski dhe me Zëvëndëskryeministren për Çështjet e Eurointegrimit, znj. Teuta Arifi.
Sipas njoftimit të Ministrisë, mësohet se Haxhinasto do të zhvillojë takime edhe me drejtuesit e partive kryesore politike shqiptare në Maqedoni.
Vizita e Haxhinastos vjen pas regjistrimit të disa incidenteve radhazi në dëm të komunitetit shqiptar që jeton në Maqedoni.
Më herët Ministria e Jashtme Shqiptare dënoi dhunën ndaj nxënësve shqiptare dhe ngjarjen tragjike në Gostivar.
Top Channel
