Ernest Faber është trajneri i ri i PSV Eindhoven. Lajmin e ka bërë të ditur vetë klubi hollandez në një komunikatë duke saktësuar se në ndeshjen ndaj Valencias për Europa League tekniku i sapoemëruar do të jetë në pankinë së bashku me Phillip Cocu.
PSV shkarkoi trajnerin Fred Rutten pas humbjes 3-1 që pësoi ndaj NAC Breda fundjavën e kaluar dhe zëvendësuesi i përkohshëm ishte Phillip Cocu, i cili do të bashkëpunojë me Faber duke nisur që nga e enjtja.
Tekniku i ri ka drejtuar më parë skuadrën tjetër të qytetit, FC Eindhoven. Ernest Faber ka nënshkruar një kontratë për këtë sezon dhe dy të tjerët pasardhës.
Trajneri 40-vjeçar ka qenë ish-futbollist dhe trajner i ekipeve të moshave të PSV Eindhoven.
Top Channel
