Poloni, kryeministri bojkoton rivalin e Sarkozy

Në një sqarim përpara mjeteve të komunikimit, Tusk deklaroi se asnjë takim me Hollande nuk ishte vendosur në axhendën e tij zyrtare, në të njëjtën kohë që hodhi poshtë akuzat për krijimin e një blloku europian të qendrës së djathtë, në të cilin përfshihet ndër të tjerë edhe Merkel, për të mbështetur presidentin aktual të Francës, Nicolas Sarkozy.

Në vizitën e tij në Varshavë, kandidati socialist për të marrë drejtimin e “Elysse”, u takua me Presidentin e Polonisë, Branislaw Komorowski.

Sipas një sondazhi të kryer në nivel europian, Sarkozy është udhëheqësi më pak i preferuar, nga të pestë drejtuesit më të mëdhenj europianë. Kancerlarja Gjermane, Angela Merkel, është më e preferuara, në anketën ku u përfshi edhe Cameron i Britanisë së Madhe, Monti i Italisë dhe Rajoy, i Spanjës.

Ndërkohë, e përditshmja franceze “Le Liberation” informoi të premten se Sarkozy ka arritur të bindë aktorin e famshëm, Gerard Depardieu, për të marrë pjesë në fushatën e tij zgjedhore.

Zgjedhjet në Francë zhvillohen me dy raunde. Në të parin janë të lirë të marrin pjesë të gjithë kandidatët, partiakë ose të pavarur, ndërsa në raundin e dytë shkojnë vetëm dy kandidatët më të votuar.

Ndërsa votimet e 22 prillit dhe 6 majit po afrojnë, sondazhet kombëtare tregojnë se Sarkozy është pas në garën me Hollande, i parë momentalisht si favorit për të fituar zgjedhjet.

Top Channel