Veto holandeze: Rumani-Bullgari, jashtë Schengen

Amsterdami zyrtar vendosi ditën e enjte veton kundër përfshirjes së dy vendeve ballkanike, duke motivuar zgjedhjen me mungesën e garancive për shmangien e një “bumi” emigrantësh drejt perëndimit.

”Ne konsiderojmë se Rumania dhe Bullgaria nuk i kanë përmbushur të gjitha kushtet për t’u pranuar në këtë marrëveshje”, deklaroi kryeministri i Holandës, Mark Rutte, nga Brukseli.

”Të dy vendet kanë bërë progrese të rëndësishme, por ende nuk i kanë përmbushur të gjitha kushtet për t’u përfshirë në Schengen. Megjithatë, dyert për ta mbeten të hapura”, deklaroi Rutte.

Rumania dhe Bullgaria u bënë pjesë e Bashkimit Europian në vitin 2007, por ndonëse antarë me të drejta të plota, të dy shtetet ballkanike gëzojnë vetën liberalizim vizash, por jo Schengen të mirëfilltë.

Një marrëveshje e liberalizimit të vizave, e nënshkruar në 2011-n edhe nga Shqipëria, i jep të drejtën qytetarëve të një shteti të lëvizin lirshëm në hapësirën Schengen për tre muaj nga data e hyrjes, por pa të drejtë punësimi apo studimi.

Top Channel