Amsterdam, një i arrestuar për “bombën” në aeroport

Terminale të tëra u evakuan si pasojë e alarmit, ndërsa disa fluturime u anulluan. “Schiphol” është një prej aeroporteve më të ngarkuar të Europës.

Zëdhënësi i policisë ushtarake, Rob van Kapel, informoi se personi i arrestuar nuk paraqet asnjë rrezik të mëtejshëm dhe se për momentin nuk konsiderohet si i lidhur me ndonjë celulë terroriste.

”Është një lajm i mirë dhe “Schiphol” mund t’i rikthehet shërbimit të tij me kapacitet të plotë”, deklaroi zëdhënësi rreth orës 14:00.

Kërcënimet për sulme terroriste merren shumë seriozisht nga policia holandeze, sidomos që prej 25 dhjetorit 2009, kur një student nigerian u përpoq të kalonte eksplozivë pikerisht në një avion që nisej nga Amsterdami e kishte per destinacin Detroitin, në Shtetet e Bashkuara.

I riu kishte mbërritur në Amsterdam nga Lagos-i, Nigeri. Ai u deklarua fajtor për tentativen e hedhjes në erë të avionit të “Northëest Airlines”, në bordin e të cilit shpërtheu një bombë difektoze, e cila dëmtoi vetëm atë vetë.

Nigeriani, ende në proces gjyqësor, rrezikon dënimin me burgim të përjetshëm.

Top Channel