Angli, nëna 12-vjeçare nuk pendohet për gabimin

Amy Crowhurst mendon se të bësh fëmijë në moshë të vogël bën të jesh e lirë më pas sepse tashmë që është 22 vjeç ajo mund të dalë e qetë me shoqërinë ndërkohë që e ëma e saj kujdeset për fëmijët.

Amy deklaroi për revistën britanike ‘Closer’: “Lindja e fëmijës kur isha vetëm 12 vjeç ishte gjëja më e zgjuar që kam bërë. Kur shoh shoqet e mia që bëjnë fëmijë kur janë në shkollë të lartë them se kam bërë mirë që unë “i hoqa qafe” që e vogël. Mund të dal lirshëm me shoqërinë e të rri deri natën vonë.”

Amy ngeli shtatzënë kur ishte 12 vjeç pas marrëdhënies me një djalë 15-vjeçar të cilin e njihte shumë pak dhe në atë kohë deklaronte se ajo që bëri ishte “budallallëk”.

Me babain e djalit Amy nuk kishte më kontakte deri në vitin 2005, kur u rilidhën sërish e si rrjedhim në moshën 16-vjeçare Amy lindi një vajzë, por lidhja me babain e dy fëmijëve të saj përfundoi sërish.

Megjithëse nuk duket jeta më e mirë për një vajzë, Amy nuk do e kishte problem që fëmija e saj të bëhej nënë në moshë të mitur.

“Unë nuk do i them vajzës sime të bëhet nënë në moshën 12-vjeçare, por nëse ndodh unë do të isha shumë e lumtur të isha gjyshe. Do isha gjyshe 27-vjeçare’, thekson Amy.

Top Channel