Balla: Situatë dramatike në Steblevë
08/02/2012 19:35
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Situata e rënduar e motit dhe rreshjet e vazhdueshme të dëborës kanë bllokuar krejtësisht zonën e Steblevës dhe Sebishtit, midis Librazhdit dhe Dibrës, duke krijuar një emergjencë humanitare.
Lajmin e dha deputeti i Partisë Socialiste Taulant Balla, që citoi burimet vendore, ndërsa i bëri thirrje autoriteteve që të ndërhyjnë menjëherë.
“Ministria e Shëndetësisë duhet të reagojë menjëherë dhe të dërgojë helikopterë në zonat e goditura nga moti i keq”, deklaroi Balla.
“Në Stëblevë, tre të sëmurë kërkojnë ndihmë të menjëhershme mjekësore, ndërsa banorët e këtyre zonave kanë nevojë urgjence për ushqime dhe medikamente”, tha ai.
Balla gjithashtu informoi se situata është shumë e rënduar edhe në komunat Stavraj dhe Rrajcë, ku përveçse të bllokuar, banorët nuk kanë as mjete ngrohje, me energjinë elektrike që mungon prej disa ditësh.
Top Channel
