Brazil, avionët thyejnë xhamat e Gjykatës së Lartë
03/02/2012 10:35
Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Dy pilotë brazilianë të forcave ajrore janë në telashe të mëdha pasi kanë fluturuar ulët me një shpejtësi supersonike dhe si pasojë kanë thyer të gjithë xhamat e Gjykatës së Lartë të Brazilit.
Vala e krijuar nga shpejtësia shumë e madhe e dy avionëve të fabrikimit francez Mirage 2000 ka shkatërruar tërësisht fasadën e xhamit të Supremo Tribunal Federal në Brazilia.
Avionët ushtarakë kishin marrë pjesë në një ceremoni disa minuta para incidentit nga i cili fatmirësisht nuk pati asnjë të lënduar.
Marcelo Kanitz Damasceno, shefi i Qendrës Sociale të Komunikimit të Forcave Ajrore, tha se ushtria po heton incidentin dhe se do të rimbursohen kostot e dëmeve.
Avionët Mirage 2000 janë të famshëm për shpejtësinë e jashtëzakonshme në vijë të drejtë dhe lëvizjet në rreth me shpejtësi të madhe.
Top Channel
