OKB, Kroacia: Nuk e mbështesim Jeremic
31/01/2012 00:00
Kurti: Një triumf i Rusisë në Ukrainë do të kërcënonte paqen në Ballkan 04/10 10:38
Ministrja kroate e Punëve të Jashtme, Vesna Pushic ka deklaruar se vendi
i saj nuk do ta mbështesë kandidaturën e Vuk Jeremic për postin e
kryetarit të Asamblesë së Përgjithshme të OKB-së.
“Kandidatura e Vuk Jeremic ka ardhur papritur dhe në momentet e fundit. Gjithashtu, duhet pritur edhe rezultati i zgjedhjeve në Serbi”, ka deklaruar Pushic, e cituar nga “REL”.
Shefja e diplomacisë kroate ka shtuar më tej se Zagrebi zyrtar do të mbështesë Lituaninë në zgjedhjet për kreun e Asamblesë së Përgjithshme të Kombeve të Bashkuara.
Nga ana e tij, ministri i Jashtëm serb Vuk Jeremic ka deklaruar se, në rast se zgjidhet kryetar, atëherë për Serbinë do të jetë një arritje e madhe riafirmimi.
Ndër kandidatët e tjerë për postin në fjalë është edhe ish-kryeministri i Shqipërisë, Pandeli Majko, i njohur për rolin e tij gjatë luftës në Kosovë në vitet 1998-99.
Kryetari që do të zgjidhet do të përfaqësojë vendet ish-komuniste, ku përfshihen ato të Ballkanit, si dhe ish-republikat sovietike.
Top Channel
