Jo vetëm ekonomia, edhe futbolli në krizë

Këtë e bëri të ditur në një konferencë për shtyp Sekretari i Përgjithshëm i UEFA-s, Gianni Infantino, i cili bëri thirrje për masa të menjëhershme për të vendosur “fair-play” financiar, ndërsa theksoi se kurrë më parë klubet nuk kanë qenë kaq të zhytur në borxhe.

Në raport lexohet se borxhet e përbashkëta të të gjitha klubeve të kontinentit janë rritur nga 1,2 miliardë në 1,5 mld euro vetëm brenda një viti, ndërsa shuma totale e shpenzuar për blerje gjatë vitit ka qenë prej 3,3 miliardë eurosh.

Analiza e kryer me 650 klube europiane tregon se 56% e skuadrave kanë mbyllur me humbje vitin 2010. “Nëse masat që UEFA do të nisë të aplikojë duke nisur nga sezoni 2013-14 për transparencën financiare do të ishin në zbatim, 13 klube të rëndësishme do të ishin s’kualifikuar nga kompeticionet menjëherë”, zbuloi Infantino.

Në total, 52% të klubeve kanë vuajtur një dobësim të bilanceve të tyre, pasi ndikuar edhe nga kriza financiare, pronarët janë gjithmonë e më pak të gatshëm që të mbulojnë humbjet e skuadrave të tyre.

Pothuajse pa përjashtim, shpenzimet për pagat e futbollistëve janë zëri kryesor i humbjeve në bilanc, ndërsa mesatarisht, 64% e të ardhurave të një klubi shkon për të paguar rrogat.

Top Channel