Serena Williams eliminohet nga turneu i tenisit “Australian Open”. Amerikania u mund në raundin e katërt nga tenistja ruse Ekaterina Makarova, e 56-a në renditjen botërore.
Williams, 13 herë kampione në “Grand Slam” humbi ndeshjen pas gabimeve radhazi, gjë e cila u shfrytëzua nga Makarova.
Pas kësaj humbjeje, Willimas humbi shansin për të fituar titullin e gjashtë kampion në Melburn Park. Tenistja amerikane u largua nga ky aktivitet edhe vitin që kaloi për shkak të dëmtimeve që kishte.
Humbja e fundit e saj ka qenë me Jelena Markovic në vitin 2008. Për tenisten ruse Makarova do të jetë ndeshja e saj e parë në çerekfinale, ku pritet të përballet me fituesen e duelit Maria Sharapova – Sabine Lisicki.
Top Channel
